((((((((```മാപ്പ്````)))))))))

നിന്റെ ജീവനില്‍ ഒരു തുടിപ്പായ്
ഞാന്‍ മാറിയെങ്കില്‍ മാപ്പ്

കയ്യെത്തും ദൂരത്തെത്തിയിട്ടും
ഞാന്‍ തട്ടികളഞ്ഞ ആ സ്നേഹത്തിനോടും

ഓരോ വാക്കിലും നനവായ് മാറിയ
കണ്ണീര്‍ തുള്ളിയോടും മാപ്പ്

എന്റെ ഉള്ളിലിരുന്നു നിനക്കായ് തുടിക്കുന്ന
ഹ്രദയത്തിനോടും
ജീവനായ് എന്നെ സ്നേഹിച്ച
മനസ്സിനോടും മാപ്പ്

കണ്ണെത്ത ദൂരം വഴികണ്ണുമായി
എന്നെ കാത്തിരുന്ന മിഴികളോടും
അകലെയാണെങ്കിലും ഓരോ നിമിഷവും
എന്റെ അരികിലെത്തുന്ന
വാല്‍സല്യത്തിനോടും മാപ്പ്

നിന്നെ എന്നിലേയ്ക്ക് അടുപ്പിച്ചു
നിന്നില്‍ നിന്നും എന്നെയകറ്റുന്ന
ഈ കാലത്തിനോടും
മോഹങ്ങള്‍ എല്ലാം
മാറോടടുക്കി കണ്ണീര്‍ വാര്‍ത്ത
രാത്രിയാമാങ്ങളോടും മാപ്പ്

ആദ്യമായി കണ്ട നിമിഷത്തെ
സ്വാഗതം ചെയ്ത കൈകളോടും
മരുഭൂമിയാം എന്റെ മനസ്സില്‍ പെയ്ത
പ്രണയതുള്ളികളോടും മാപ്പ്

ഓര്‍മ്മയില്‍ എന്നും
തുളുമ്പുന്ന മിഴികളെ
അറിയാതെ ഞാന്‍ പറഞ്ഞ
സ്വന്തന വാക്കുകളില്‍ സ്നേഹദീപം കണ്ടു
നീ പറന്നെത്തിയതാണ്
എന്നിലെയ്ക്കെങ്കില്‍ നിന്നോടെനിക്ക്
ഒന്നേ പറയാനുള്ളൂ മാപ്പ്

```മിനി ചാക്കോ പുതുശ്ശേരി```