Sunday, September 28, 2014

ഒരു നോക്ക് കാണാതെ ഒരു വാക്കില്‍ നീയെന്നെ ഒരു ജന്മത്തോളം അറിഞ്ഞതെങ്ങിനെ !!!

നീ കൂടെയുള്ളിടത്തോളം ഓരോ പുലരിയും എനിക്ക് സ്വര്‍ഗ്ഗമാണ് !!!

നിന്‍ സ്നേഹചൂടില്‍ അലിയുന്നു ഞാനൊരു മഞ്ഞുതുള്ളിയായ്‌ !!!

കയ്യെത്താദൂരെ എന്നാലും നീയെന്‍ ആത്മാവിന്‍ ചാരെ !!

അകലുവാനാകുമോ ഇനി ഈ ജന്മത്തില്‍ ആരൊക്കെ നമ്മളെ അകറ്റിയാലും !!

അനന്തമായ് നീളുന്ന ജീവിതവഴിയില്‍ നീ വിരല്‍ത്തുമ്പില്‍ എന്നെയും ചേര്‍ത്തിടുന്നു !!

Wednesday, August 27, 2014

പല ഓര്‍മ്മകള്‍ കൊണ്ട് നിറയുമ്പോഴും അതില്‍ സുഖമുള്ളൊരു ഓര്‍മ്മയായ് നിറയുന്നത് നീ മാത്രമാണ് !!!

പല പൂക്കള്‍ ചുറ്റുമുണ്ടെങ്കിലും ആത്മാവില്‍ സ്നേഹസുഗന്ധം പരത്തുന്നത് നീ എന്ന ഇത്തിരിപ്പൂ മാത്രം !!!

ഒരായിരം ചിരികള്‍ ചുറ്റും മുഴങ്ങുന്നുണ്ടെങ്കിലും നിന്‍ മുഖത്തെ പുഞ്ചിരി അത് മാത്രമാണ് എന്നില്‍ സ്നേഹവും ധൈര്യവും നിറയ്ക്കുന്നത് !!!

ആള്‍ക്കൂട്ടത്തിനു നടുവിലെങ്കിലും കണ്ണുകള്‍ തിരയുന്നത് നിന്നെ മാത്രമാണ്!!!

Friday, August 15, 2014

അരികിലിരുന്നാലെന്‍ 
ആത്മം തുടിക്കും 
അകലുമ്പോഴെന്‍
മിഴി നിറയും 

നിന്‍ ചിരി ഇന്നെന്നില്‍ 
ലഹരിയായ്‌ നിറയും 
നിന്‍ സ്നേഹമോ എന്നില്‍ 
അനുഭൂതിയാകും 

ആത്മാവില്‍ കുളിരായ്
നിന്‍ സ്നേഹസ്പര്‍ശനം
അലിവായ്‌ അമൃതായ്
നിന്‍ മൊഴികള്‍

Sunday, August 10, 2014

ജീവനില്‍ നീയൊരു ജ്വാലയായി 

മങ്ങിയ മനസ്സില്‍ മാരിവില്ലായ്‌ 

മറക്കുവാന്‍ ആകാത്ത മൊഴികളായി

അളക്കുവാനാകാത്ത സ്നേഹമായി 

അകലുവാനാകാതെ അടുത്തുപോയി 

അരികിലായ്‌ ആത്മാവില്‍ ചേര്‍ത്തുപോയി

അനുദിനം ഞാന്‍ നിന്നില്‍ അലിഞ്ഞുപോയി 

Tuesday, August 5, 2014

തെന്നലായ്

പിണങ്ങി ഞാന്‍ അകന്നപ്പോള്‍
പറയാതെ വന്നെന്നെ
പുല്‍കിയ തെന്നലല്ലേ

മറക്കുവാന്‍ ആകാതെ
ഹൃദയം പിടഞ്ഞപ്പോള്‍
മിഴിനീര്‍ത്തുള്ളിയായ്‌
തഴുകിയില്ലേ

കയ്യെത്താദൂരെയ്ക്ക്
കാലം നയിച്ചപ്പോള്‍
കൈവെള്ളയില്‍ നീയെന്നെ
എഴുതിയില്ലേ

തമ്മില്‍ കാണുകയില്ലെന്ന്
കാലം വിധിച്ചപ്പോള്‍
കാവ്യമായ് നീയെന്നില്‍
നിറഞ്ഞില്ലേ

തിരികെ ഒരു യാത്ര
ഈ വഴിയില്ലെന്നറിഞ്ഞിട്ടും
കാത്തിരിക്കുന്നോരോ
ഇലയനക്കത്തിലും 

Sunday, July 27, 2014

നീ

വിട്ടു പോകാന്‍ കഴിയാത്തൊരു ബന്ധം നമ്മള്‍ തമ്മില്‍ ഉണ്ട് ....

ഏതോ ഒരു അദൃശ്യ ശക്തിയാല്‍ തീര്‍ത്ത വളരെ ലോലമായ ഒന്ന് 

നിറഞ്ഞ മിഴികളാലും നിഷ്ക്കളങ്ക സ്നേഹത്താലും അനുദിനം ശക്തി പ്രാപിക്കുന്ന എന്തോ ഒന്ന് അതിനെ കീഴടക്കിക്കൊണ്ടിരിക്കുന്നു 

ആത്മാവില്‍ ആളുന്ന സ്നേഹാഗ്നിയില്‍ ദഹിപ്പിക്കുന്നുണ്ട് നിന്നിലെ ഓരോ പോരായ്മകളെയും

ഹൃദയത്തോട് ചേര്‍ത്തുവച്ചു ഓമനിക്കുന്നുണ്ട് നിന്റെ കുസൃതിയും ഇഷ്ട്ടങ്ങളും

നിശ്വസതോടൊപ്പം നിറയ്ക്കുന്നുണ്ട് ഞാന്‍ എന്നില്‍ നിന്‍റെ സ്നേഹവും ഓര്‍മ്മകളും

ഈ ലോകത്തില്‍ എവിടെയായിരുന്നാലും എന്നരികില്‍ ഉണ്ട് നീയെപ്പോഴും!

my work ആവശ്യമുള്ളവര്‍ മെയില്‍ ചെയ്യുക minipc4@gmail.com













































my work