Wednesday, April 3, 2013

ചെറുവരികള്‍

മനക്കല്ലില്‍ ഉരച്ചുനോക്കി സ്വന്തമാക്കിയ

പത്തരമാറ്റ്‌ സ്വര്‍ണ്ണത്തിന്റെ നിറംമങ്ങിപ്പോയതെങ്ങിനെ....................????ക്ലാവ്പിടിച്ചു വലിച്ചെറിഞ്ഞവവജ്രം പോലെ തിളങ്ങിയതെങ്ങിനെ............????




                         **************

മക്കളെ മണ്ണില്‍ ഇറങ്ങരുത്....
മഴവെള്ളത്തില്‍ കളിക്കരുത്......
ചെളിയില്‍ ചവിട്ടരുത്......
പറഞ്ഞു ശീലിപ്പിച്ചില്ലേ 
എന്നിട്ടെന്തിനാ നിങ്ങള്‍ ഒരുപിടി മണ്ണും തന്നു 
മണ്ണില്‍ത്തന്നെ എനിക്ക് കിടക്ക ഒരുക്കിയത് ......??

                ************


പാവപ്പെട്ടവന്റെയും 
പണക്കാരന്റെയും 
ശരീരത്തിന് ഒരേ ടേസ്റ്റ് എന്ന് 
ശവംതീനി പുഴുക്കള്‍...!!!

       *********

മരണം വന്നു വിളിച്ചു ......
ഞാന്‍ പറഞ്ഞു....
ഞാന്‍ ഇപ്പോള്‍ എഴുന്നേറ്റതെ ഉള്ളൂ....
പല്ല് തെച്ചില്ല .....
കുളിച്ചില്ല.......
നല്ല ഡ്രസ്സ്‌ ഇട്ടില്ല....
മരണം പറഞ്ഞു ...........
എന്നാല്‍ ഞാന്‍ ഒന്ന് കറങ്ങിട്ടുവരാം ......
പിന്നെ കേട്ട് .....
കുളികഴിഞ്ഞു ......
പൌഡര്‍ ഇട്ടു.....
പൊട്ടു കുത്തി.....
നല്ല ഉടുപ്പിട്ട .......
പൈതലിനെ ....
അവന്‍ തട്ടിക്കൊണ്ടു പോയി എന്ന്........

          ********

കാഴ്ചകള്‍ മുട്ടയിട്ടു
ചിന്തകള്‍ അടയിരുന്ന്
ഭാവനകള്‍ വിരിഞ്ഞു
സ്വപ്നങ്ങളുടെ ചിറകേറി
മനസ്സുകളില്‍ നിന്നും
മനസ്സുകളിലെയ്ക്ക് ചേക്കേറി

   8*********

ചുംബനം

വാല്‍സല്യം ,,,സ്നേഹം,,,,ചതി,,,, 
മൂന്നിനും ഈ മൂന്നക്ഷരം മതി......!!!

      *********

ഇടയ്ക്കു എപ്പോഴോക്കയോ
ആത്മാവില്‍ തൊടുന്നുണ്ട് നീ...

സ്നേഹം തുളുമ്പും വാക്കുകള്‍
ഹൃദയം കാതോര്‍ക്കുന്നുണ്ട്.....

സ്നേഹം കൊണ്ടും സ്വാന്തനം കൊണ്ടും
എന്നെ തോല്‍പ്പിക്കുന്നുണ്ട്......

മിഴികള്‍ നിറയുന്നതും
ഹൃദയം വിതുമ്പുന്നതും
ഈ സ്നേഹക്കടലില്‍ താഴുമ്പോഴാണ്...
     


2 comments:

കാത്തി said...

ഇതുവരെ എവിടെയായിരുന്നു :) എല്ലാവരികളും ഉഗ്രന്‍ തുടര്‍ന്നും എഴുതുക ആശംസകള്‍. .

ajith said...

ചെറുവരികള്‍
വലിയ ആശയങ്ങള്‍